Ս.թ. մարտի 26-ին Հայաստանի վերականգնվող էներգետիկայի և էներգախնայողության հիմնադրամում էներգախնայության ծրագրի շրջանակներում տեղի ունեցավ նախամրցութային ժողով հետևյալ մրցույթների համար՝
Լոտ 1. «Վարդաշեն» քրեակատարողական հիմնարկի էներգախնայողության միջոցառումների իրականացում, EE-CW-45/2015-1
Լոտ 2. «Էրեբունի» քրեակատարողական հիմնարկի էներգախնայողության միջոցառումների իրականացում, EE-CW-45/2015-2
Նախամրցութային ժողովին մասնակցում էին շինարարական և նախագծային կազմակերպությունների ներկայացուցիչներ, ինչպես նաև Հիմնադրամի տնօրեն Թամարա Բաբայանը:
Հանդիպման ընթացքում հիմնադրամի տնօրեն Թամարա Բաբայանը հետաքրքրված շինարարական և նախագծային կազմակերպությունների ներկայացուցիչներին, ներկայացրեց մրցույթների հայտերի նախապատրաստման փուլում ինչպես ավելի արդյունավետ կազմակերպեն իրենց աշխատանքը:
Ելույթներով հանդես եկան Հիմնադրամի գնումների մասնագետ Զարուհի Ղարագյոզյանը, ԷԽ ծրագրի խորհրդատու Հրանտ Տեր-Գաբրիելյանը և ՎԷ և ԷԽ փորձագետ Արմեն Ղարիբյանը:
Հիմնադրամի գնումների մասնագետ Զարուհի Ղարագյոզյանը մանրամասն ներկայացրեց մրցութային փաթեթը և իր ելույթում կարևորեց հիմնական դրույթները, որակավորման պահանջները, պայմանագրի պայմանները, ինչպես նաև հայտերի մերժման պատճառները:
Հիմնադրամի ԷԽ մասնագետ Հրանտ Տեր-Գաբրիելյանը ներկայացրեց Էներգախնայողության ջերմատեխնիկական ցուցանիշները /նորմատիվային փաստաթղթերը, ջերմային հաշվարկը, ֆինանսատնտեսական ցուցանիշները/:Հիմնադրամի ՎԷ և ԷԽ փորձագետ Արմեն Ղարիբյանը խոսեց արևային ջրատաքացուցիչների տեսակների, ջրատաքացման սխեմաների հիմնական տեսակների, պահանջվող արևային համակարգի բնութագրերի, խնայողության հաշվարկային ցուցումների, լուսադիոդային լուսատուների հաշվարկային մեթոդների, արտաքին լուսատուների բնութագրերի մասին:
