Փետրվարի 27-ից մարտի 1-ը Հայաստանի վերականգնվող Էներգետիկայի և էներգախնայողության հիմնադրամը իսպանական Էֆերջի ընկերության հետ համատեղ կազմակերպել են «Արևային ներուժի գնահատում և քարտեզագրում» խորագրով քառօրյա սեմինար: Էֆերջի ընկերության խորհրդատուներ՝ Լուիզ Մարտին Պոմարեսը և Դիեգո Բերմեջիոն ողջունեցին մասնակիցներին հույս հայտնելով, որ այս սեմինարը կնպասնի տեղացի մասնագետների գիտելիքների ավելացմանը տվյալ ոլորտում:Սեմինարի նպատակն է ուժեղացնել Հայաստանյան մասնագիտացված կառույցների մասնագետների կարողությունները, որը կնպաստի հետագայում Հայաստանում արևային էներգետիկայի զարգացմանը, արդեն իսկ վերապատրաստված կադրեիր միջոցով: Սեմինարի ընթացքում քննարկվել է Հայաստանի կլիմայական գոտու և արևային նեուժի քարտեզագրման առանձնահատկությունները, ինչպես նաև քննարկվեցին՝ արևային ճառագայթման դասական գնահատում, արևային ճառագայթման սպեկտրալ բաշխում, արևային ճառագայթման փոխազդեցությունը մթնոլորտի հետ, արբանյակային պատկերներից արևային ճառագայթման մոդելավորում, ֆոտովոլտային հնարավորությունները Հայաստանում և մի շարք այլ հարցեր: