ՀՀ Շիրակի Մարզ

Շիրակի մարզում ուումնասիրված է Ախուրյան գետի հիդրոէներգետիկ ներուժը: Ուսումնասիրությունների համաձայն   Ախուրյան գետի ավազանում          նախատեսված էր կառուցել 14 Փոքր ՀԷԿ` երկուսը Կապս և Ախուրյան ջրամբարների կից, երեքը` Ախուրյան /Ջրաձոր/ և Թալին ջրանցքների վրա և 9-ը ՓՀԷԿ` դերիվացիոն տիպի:Շիրակի մարզում առկա է նաև հողմաէներգետիկ լուրջ պոտենցիալ, որն արդեն իսկ ուսումնասիրվել է միջազգային մի քանի ծրագրերով: Այդ ուսումնասիրությունների համաձայն Քարախաչի լեռնանացքում առկա է 250-300 մեգավատ  հզորության քամու ներուժ , որը յուրացնելու նպատակով արդեն գործնական քայլեր են անում հայկական <ԱրԷներջի > և իտալական <Գերեթ> ընկերությունները: Հնարավոր է, որ շուտով մարզում շահագործման հանձնվի Հայաստանի խոշորագույն հողմաէլեկտրակայանը:

Հայաստանի վերականգնվող էներգետիկայի և էներգախնայողության հիմնադրամի կողմից 2005-2010թթ. ընթացքում  Քաղաքային ջեռուցման ծրագրի շրջանակներում ՀՀ Շիրակի  մարզում  թվով   16 դպրոցներում իրականացվել են ջերմամատակարարման համակարգերի  վերականգնման   և էներգախնայողական միջոցառումներ:

 

Ընդհանուր տեղեկություններ`

Մարզկենտրոնը` ք. Գյումրի

Տարածաշրջանները` Արթիկ, Ախուրյան, Անի, Ամասիա, Աշոցք

Քաղաքները` Գյումրի, Արթիկ, Մարալիկ

ՀՀ Շիրակի մարզը գտնվում է հանրապետության հյուսիս-արևմուտքում: Պետական սահմանով արևմուտքից սահմանակից է Թուրքիային, հյուսիսից` Վրաստանին, արևելքից սահմանակից է` ՀՀ Լոռու մարզին և հարավից` ՀՀ Արագածոտնի մարզին:

Տարածքը	2681 քառ.կմ
ՀՀ տարածքում մարզի տարածքի տեսակարար կշիռը	9 %
Քաղաքային համայնքներ	3
Գյուղական համայնքներ	116
Քաղաքներ	3
Գյուղեր	127
Բնակչության թվաքանակը 2009թ. հունվարի 1-ի դրությամբ	281.3 հազ.մարդ
այդ թվում` քաղաքային	169.8 հազ.մարդ
գյուղական	111.5 հազ.մարդ.
ՀՀ բնակչության ընդհանուր թվաքանակում բնակչության թվաքանակի տեսակարար կշիռը, 2008թ.	8.7 %
Քաղաքային բնակչության թվաքանակի տեսակարար կշիռը	60.4 %
Գյուղատնտեսական նշանակության հողեր	229636 հա
այդ թվում` վարելահողեր	79822 հա

ՀՀ Շիրակի Մարզ Armstat