Արարատ քաղաքի թիվ 4 հիմնական դպրոցում իրականացվել են էներգախնայողական միջոցառումներ, որի արդյունքում՝ փայտե պատուհանները փոխարինվել են մետաղապլաստե պատուհաններով, արտաքին ալյումինե դռները փոխարինվել են մետաղապլաստե դռներով, ավելորդ պատուհանները փակվել են պատով, ինչպես նաև ջերմամեկուսացվել են պատերը: Վերոնշյալ էներգախնայող միջոցառումների շնորհիվ ծախսերի խնայողությունը դպրոցում կազմել է 53.1%: Արարատ քաղաքի թիվ 4 հիմնական դպրոցի տնօրեն Նուրիցա Փանոսյանի խոսքով ծախսված գումարը դպրոցը կվերադարձնի 10 տարում, ընդ որում՝ բացառապես նորոգման հետևանքով խնայված միջոցներից, ինչը միանգամայն հնարավոր է: Դպրոցի տնօրեն Նուրիցա Փանոսյանը իր գոհունակությունը հայտնեց կատարված աշխատանքների համար:
