Հայաստանի վերականգնվող էներգետիկայի և էներգախնայողության հիմնադրամը էներգախնայողության ծրագրի շրջանակներում Գավառի թիվ 5 հիմնական դպրոցում իրականացրել է էներգախնայողության միջոցառումներ, որի նպատակն է նվազեցնել դպրոցի էներգասպառումը: Կատարվել են հետևյալ աշխատանքները՝ հին պատուհանների փոխարինում նոր մետաղապլաստե պատուհաններով, պատուհանների փոխարինում պատով, արտաքին դռների փոխարինում մետաղապլաստե դռներով, ջեռուցվող մասնաշենքի առանձնացում չջեռուցվողներից վիտրաժների տեղադրմամբ, ինչպես նաև պատերի ներքին հարդարում: Կատարված էներգախնայողության միջոցառումների շնորհիվ շենքում էներգիայի ծախսերի խնայողությունը կազմում է շուրջ 55.1%: Դպրոցի տնօրեն Սաթիկ Արզաքանյանի խոսքով կատարված էներգախնայողության միջոցառումների շնորհիվ դպրոցում ավելացել է աշակերտների քանակը: