«Հայաստանում Կայուն Զարգացման Նպատակների իրագործման նորարարական լուծումներ» ծրագրի շրջանակներում ՀՎԷԷ Հիմնադրամի աշխատակիցները այցելեցին ՀՀ Գեղարքունիքի մարզ: Այցի նպատակն էր իրականացնել ծրագրի շրջանակներում կատարված աշխատանքների մոնիթորինգ: Հիմնադրամի մասնագետները տեղում ծանոթացան արևային համակարգեր տեղադրող ընկերությունների կողմից կատարված աշխատանքների որակին, լսեցին բնակիչներին հուզող հարցերը: Բնակիչները իրենց գոհունակությունը հայտնեցին ծրագրից: Ծրագրի շրջանակներում տեղադրվել է շուրջ 355 ջրատաքացուցիչ և 8 ՖՎ վահանակներ: