Հայաստանի վերականգնվող էներգետիկայի և էներգախնայողության հիմնադրամը էներգախնայողության ծրագրի շրջանակներում Մեծ Մասրիկի միջնակարգ դպրոցում կատարել է էներգախնայողության աշխատանքներ, որի նպատակն է նվազեցնել դպրոցի էներգասպառումը: Կատարվել են հետևյալ աշխատանքները՝ հին պատուհանները փոխարինվել են նոր մետաղապլաստե պատուհաններով, ոչ արդյունավետ պատուհանները փոխարինվել են պատով, արտաքին դռների փոխարինում ալյումինե դռներով, ինչպես նաև մաքրվել և կարգաբերվել է կաթսան: Վերոնշյալ էներգախնայողության միջոցառումների շնորհիվ շենքում էներգիայի ծախսերի խնայողությունը կազմում է շուրջ 52,7%: Դպրոցի տնօրեն Ատոմ Հակոբյանը նշեց, որ կատարված էներգախնայողական միջոցառումներից հետո դպրոցում նվազել է աշակերտների բացակայության ինչպես նաև հիվանդությունների թիվը:
