Հայաստանի վերականգնվող էներգետիկայի և էներգախնայողության հիմնադրամը ֆրանսիական TRANSENERGIE կազմակերպության հետ համատեղ իրականացնում է «Հայաստանում լողացող արևային կայանների զարգացում» ծրագիրը:
Ծրագրի նպատակն է ուսումնասիրել Հայաստանի արհեստական ջրամբարների վրա լողացող կայանների կառուցման հնարավորությունները, ինչպես նաև կառուցել պիլոտային լողացող արևային ՖՎ կայան: Նախատեսվում է լողացող արևային ՖՎ կայանը կառուցել Երևանյան լճի վրա, որի համար «ՋԻՆՋ» ՍՊԸ-ի կողմից իրականացվել և մշակվել է է կայանի շրջակա միջավայրի վրա և սոցիալական ազդեցության գնահատում:
Հրավիրում ենք բոլոր շահագրգիռ կողմերին, ինչպես նաև ծրագրով հետաքրքրված անձանց, մասնակցելու վերոնշյալ կայանի կառուցման վերաբերյալ հանրային լսումներին, որը տեղի կունենա սույն թվականի հոկտեմբերի 6-ին, ժամը 9:30Երևանի Շենգավիթ վարչական շրջանի նիստերի դահլիճում (Գարեգին Նժդեհի փող., 26 շենք):
