2018 թվականի հունվարի 31-ին Երևանում տեղի ունեցավ «Հայաստանում արդյունաբերական մասշտաբի Մասրիկ-1 արևային ֆոտովոլտային ծրագրի» նախամրցութային կոնֆերանսը, որը կազմակերպել էր Հայաստանի վերականգնվող էներգետիկայի և էներգախնայողության հիմնադրամը:
Համաժողովի հանդիսավոր բացմանը ողջույնի խոսքով հանդես եկան փոխվարչապետ, ՀՀ միջազգային տնտեսական ինտեգրման և բարեփոխումների նախարար Վաչե Գաբրիելյանը, Համաշխարհային բանկի Հայաստանյան գրասենյակի տնօրեն Սիլվի Բոսութղոն, ՀՀ էներգետիկ ենթակառուցվածքների և բնական պաշարների նախարարի տեղակալ Հայկ Հարությունյանը, Հայաստանի վերականգնվող էներգետիկայի և էներգախնայողության հիմնադրամի տնօրեն Արմեն Մելկիկյանը:
Կոնֆերանսին մասնակցում էին ներկայացուցիչներ նախաորակավորումն անցած ընկերություններից, գործարքի խորհրդատու ընկերություններից, ՀՀ հանրային ծառայությունները կարգավորող հանձնաժողովից, ՀՀ էներգետիկ ենթակառուցվածքների և բնական պաշարների նախարարությունից, Հայաստանի էլեկտրական ցանցերից, Հայաստանի էներգետիկ սեկտորը ներկայացնող այլ ընկերություններից, միջազգային ֆինանասական կազմակերպություններից, Հայաստանյան բանկերից, հրավիրված այլ հյուրեր:
Կոնֆերանսի ընթաքում զեկուցողները ներկայացրեցին ծրագրի նախապատրաստական աշխատանքները, մրցույթի հիմնական ընթացակարգերը և ժամանակացույցը, ծրագրի կողմերի միջև կնքվելիք պայմանագրերի հիմնական դրույթները, ծրագրի հնարավոր սոցիալական ազդեցությոնների մեղմացման մեխանիզմները: Նախաորակավորումն անցած ընկերությունների ներկայացուցիչներին տրվեց հնարավորություն կոնֆերանսի մյուս մասնակիցներին ուղղել հարցեր և ստանալ պարզաբանումներ:
Հիշեցնենք, որ Մասրիկ-1 Ծրագրով նախատեսվում է ՀՀ Գեղարքունիքի մարզի Մեծ Մասրիկ համայնքի վարչական տարածքում կառուցել 46-55 ՄՎտ դրվածքային հզորությամբ արևային ֆոտովոլտային կայան: Կայանի նախագծման, ֆինանսավորման, կառուցման, տնօրինման և շահագործման նպատակով հայտարարվել է մրցույթ, որի արդյունքները նախատեսվում է ամփոփել 2018թ. գարնանը: Հաղթող կճանաչվի այն ընկերությունը կամ կոնսորցիումը, որը կառաջարկի աﬔնացածր սակագինը:
ԱվելինՍ.թ. նոյեմբերի 30-ին Հայաստանի վերականգնվող էներգետիկայի և էներգախնայողության Հիմնադրամի տնօրեն Արմեն Մելկիկյանը և Կոնվերս Բանկի գլխավոր տնօրեն Արթուր Հակոբյանը ստորագրեցին համագործակցության պայմանագիր, որի շրջանակներում կիրականացվեն ինչպես Համայնքային նշանակության էներգաարդյունավետ, այնպես էլ Հայաստանում չգազաֆիկացված համայնքների էներգաարդյունավետության բարձրացման ծրագրեր: Ծրագրի նպատակն է Հայաստանի համայնքներում ֆինանսական կազմակերպությունների միջոցով բարձրացնել էներգաարդյունավետության մակարդակը և ֆինանսավորել ներդրումները մաքուր էներգիայի ոլորտում: Սույն ծրագրերը հնարավորություն կտան նվազեցնել ոչ արդյունավետ էներգասպառումը և ընդլայնել մաքուր, արդյունավետ, ապահով և մատչելի էներգետիկ տեխնոլոգիաների օգտագործումը:
ԱվելինՍ.թ. հունիսի 9-ից Ղազախստանի Աստանա քաղաքում մեկնարկեց «Ապագայի էներգետիկա» խորագրով «Աստանա Էքսպո 2017» ցուցահանդեսը: «Աստանա Էքսպո 2017» ցուցահանդեսը անցկացվելու է հունիսի 10-ից մինչև սեպտեմբերի 10-ը: 
ՀՀ վարչապետի որոշմանհամաձայն «Աստանա Էքսպո-2017» ցուցահանդեսի Հայաստանի Հանրապետության Ազգային օպերատոր է նշանակվել Հայաստանի վերականգնվող էներգետիկայի և էներգախնայողության հիմնադրամը (ՀՎԷԷ): Ցուցահանդեսին Հայաստանի Հանրապետության արդյունավետ մասնակցության ապահովման նպատակով ՀՎԷԷ հիմնադրամին աջակցել են Հայաստանի զարգացման հիմնադրամը, տաղավարի կառուցման աշխատանքները կատարվել է «Էքսպոմեդիա» կազմակերպության կողմից: Ղազախստանում աշխատանքները հավուր պատշաճի կազմակերպելու համար ՀՎԷԷ հիմնադրամին մեծ աջակցություն է ցուցաբերում Ղազախսատնում Հայաստանի Հանրապետության դեսպանությունը: «Աստանա Էքսպո-2017» ցուցահանդեսին ՀՀ տաղավարը կներկայացնի ՀՀ էներգետիկ, մշակույթի և զբոսաշրջության ոլորտները:
«Աստանա Էքսպո 2017» ցուցահանդեսին հայկական տաղավարում կներկայացվի Հայաստանի էներգետիկ համակարգի վերջին տարիների ձեռքբերումները՝ մասնավորապես Արդյունաբերական մասշտաբի արևային էներգիայի կայանների կառուցման ծրագիրը, Երկրաջերմային հետախուզական հորատման ծրագիրը, էներգետիկ ոլորտի օրենսդրական բարեփոխումները, «Մաքուրէներգիայի» բնագավառում գիտական և տեխնոլոգիական լուծումների վերջին 
զարգացումները, ինպես նաև կներկայացվի էներգետիկ ոլորտում ներգրաված մասնավոր կազմակերպությունների արտադրությունները: Տաղավարում կներկայացվի նաև Հայաստանի զբոսաշրջության մասին պատմող ֆիլմաշարեր, ինչպես նաև ՎՌ (Virtual Reality) ակնոցների միջոցով այցելուները կարող են տեսնել Հայաստանի զբոսաշրջային վայրերը իրական պատկերներով: «Աստանա Էքսպո 2017» ցուցահանդեսին ակնկալվում է շուրջ 5 մլն այցելուների մասնակցություն աշխարհի ավելիքան 115 երկրներից: